Amorebieta-Etxanok bihar Zornotzan Kantuz ekimena hartuko du

Maiatzaren 29an, arratsaldean, herria musikaz eta giroz beteko da Zornotzan Kantuz ekitaldiaren eskutik. Aurten bosgarren aldiz ospatuko da Zornotzan Kantuz ekimena, eta dagoeneko herriko kultur egutegian hitzordu berezi bilakatu da. Urtero bezala, udalerriko abesbatzekin batera abesteko aukera izango dute zornotzarrek kaleetan zehar, kaleak girotuz eta elkarrekin musikaz gozatuz. Ekimenak ohi bezala herritarrak elkartzea eta bateratzea du helburu.

Emanaldia 19:15etan hasiko da, eta udalerriko hainbat kale eta plazetatik zehar ibiliko dira, kaleak girotuz eta musika eta alaitasuna ekarriz. EDERTO txistulariak doinu biziekin lagunduko dute, kaleetan giro berezia sortuz eta jendea parte hartzera animatuz.

Ekitaldian, Amorebieta-Etxanoko sei abesbatzak izango dira, eta zornotzarrak beraiekin bat eginez parte hartuko dute, kaleak musikaz eta alaitasunez betez. Parte-hartze horretan, liburuxka bereziak jasoko dituzte kantak jarraitzeko eta etorkizunerako gordetzeko, egun horren oroitzapen baliotsu gisa. Liburuxka hauek aukera paregabea dira abestera animatzeko, koroekin batera musika sortzeko eta kaleetan giroa zabaltzeko, eta egun osoa parte-hartze kolektibo eta festaz beteriko unean bizitzeko.

“Guretzako benetan berezia da Zornotzan Kantuz ekimena, udalerriko kaleak musikaz eta giroz betetzeko aukera ematen duena. Halako ekimenek gure komunitatea indartzen laguntzen dute eta herritarrek parte hartzeko aukera ematen du; Zornotzan Kantuz bezalako ekimenek gure harremanak lotzen eta elkartzen laguntzen dute. Animatu zaitezte arratsalde horretan abesten eta parte hartzen; herritarrak dira protagonista egun horretan.» nabarmendu du Ainhoa Salterain alkateak.

Amorebieta-Etxanoko Udalak herritar guztiak animatzen ditu parte hartzera, giroa sortzera eta abesbatzekin batera musika gozatzera.