‘Udaberriaren aroma’, Maite Atutxa

MAITE ATUTXA

Udaberriaren aroma nabaritzen da jada

landa grisetan, kareharrizko mendixketan,

berdez tindatzean,distirak sentitzen ditut,

nire ariman eta nire azalean.

Irudia: AMAIA ZIGORRAGA

Badator, Loraldia, sortuz

nire bihotzean zoro-taupadak,

gure espirituak zabal daitezen

landa loratsuetan etzanda.


Badator, etorri, zeruetatik

kristalezko-uretan lotsa barik pausatzean,

eta urtuz, zarata entzuten delarik

izotza, ur-korrontea bihurtzean.


Eta oraindik haize hotzaren hegalek

behar dute egutegiko,  beste hilabete bat

nire eskuek eta aurpegiak hartzeko

laztanduz eztiro, eguzkitiko izpi beroak!


Ai! Udaberri!! Bihotzak aztoratu egiten dituzuna

Natura geldotik sortuz bizitza,

Fenix hegaztiak bezala bizitza berriztuz

zeru urdin argia koloreko azpian!