Urte berriari: agur! / Ad novum annum: salutationes

MAITE ATUTXA


Berriz martxan gaudelakoan 

hilabete baten kanpoan egonda,

oxala denok elkartuta

egin dezagun topa!


Eta nire bigarren urteari Zoriona

ahalmenaz beterik, nahi diot opa,

askotan, bidean, topa ditzadala larrosak

eta ez ostera arantza zorrotzak!


Izatea oparoa

oso maitekorra,

eta sentimentu horiek

iraun dezatela urte osoan.

Honelakoxe kaminoan

ez jartzea inondik eta inora,

trabak, enbarazu ezta oztopoak

izanda oparitsua eta eskuzabalekoa!


Beste olerkari bat agertzea zerumugan

polita izango delakoan,

eta lehia txiki bat sortaraztea

olerkiak egiterakoan!


Baina sasi-jakintsuek esaten duten arabera

"olerkaritza da beste denbora batekoa",

baina barru-barrura begiratzerakoan

lehen, orain eta etorkizunean bizirik iraungo du

                        ...delako behar-beharrezkoa!