Olatuak

MAITE ATUTXA


Haurtzaroko oroitzapen zoragarriak!

Memoriae pueritiae mirabiles!

Zortziko txikian

Soinua: Habanera: Xabier Lete


Ez dira inoiz nekatzen(7)

joan (e)ta etortzean,(6)

mendiak dira batzuetan

lautadak besteetan.


Nondik etorriak diren?

buruari galdezka,

Zer ekarriko duten?

perlak euren barrenean


Mundu urdin handi bat

dugu gure aurrean,

hondartzan gaudenean

begiratzen urrunera.


Freskoak dira olatuak

oso dibertigarriak,

beti daude tentatzen

jolasteko nahian.


Jokuan sartzen baza(ra)

prest egon laguna,

ur tragu bat hartzeko

bataio egunean.


Amodiozko guttuna

kristal botila batean 

karakola entzuteko

hotsa itsasoarena.


Horiek izaten ziren

umetan nire ametsak,

auskalo beteko diren

pazientzia eduki behar.


Gaur nire txakur-ametsak

aldatu dira zeharo,

planeta urdin garbia

iraun dadin betirako!