‘Maiatza’, Maite Atutxa

MAITE ATUTXA

UDABERRIA EUREN ARIMAN SENTITZEN DUTENENTZAT.

EIS QUI VER IN ANIMO SENTIUNT.

IRUDIA · AMAIA ZIGORRAGA

 
Udaberriko erregina

izaki bizidun guztiek somatzen dutena,

argitasunaren eraginaz

dena berpiztu egiten duen hilabetea.


Milaka lora landetan

zuhaitzetan, ortuetan,

beraien usain gozoa

bazter guztietan.




Lurrinak, koloreak

epeltasunak,

hedaten dute

bizitzeko gurak.


Egun luzeak

nobioen laztanak,

areagotzen dute

emozio zirrarak.


Koloreen distirak

eguzkiaren izpiak,

ematen dizkigute

paradisuko giltzak!