Hogei bat talde eta bakarlari inguru igoko dira udalerriko hainbat tokitan jarriko diren bi agertokietara: Zubiondo eta Zelaieta.

OBK. @miguelangelderuzraez

Amorebieta-Etxanoko Udala uztailaren 15etik 27ra ospatuko diren 2023ko Karmen eta Santantxu jaien prestaketan murgilduta dago. Urtero bezala, Amorebieta-Etxano musikaz, kolorez, gastronomiaz, antzerkiz eta abarrez beteko dute hamahiru egunez. Gaur, maiatzak 31, zornotzarrek zein bisitariek festetan izango dituzten musika talde nagusien berri eman du. Hogei bat talde eta bakarlari igoko dira lau agertokietara: Zubiondo eta Zelaieta.

Olatz Salvador. IBAN GORRITI

Kontzertuen egutegia honako hau izango da:

• Uztailak 15: ZETAK, AKERBELTZ ERROMERIA eta ORKESTRA ESENZIAN.
• Uztailaren 16an: DELIRIUM TREMENS eta FORMULA V.
• Uztailak 21: LA FURIA eta REBECA LANE
• Uztailak 22: BENIDORM ORKESTRA eta SHOW PARTY, ERASO eta MUNZA DJ bizkaitarrekin.
• Uztailaren 23an: KALAKAN.
• Uztailaren 24an: ETS, ZIRKINIK BEZ (zornotzar erromeria taldea) eta PURO RELAJO.
• Uztailak 25: KAI NAKAI.
• Uztailaren 26an: OLATZ SALVADOR.
• Uztailak 27: TRIKIZIO eta FESTA 90s, FERNANDISCO, OBK, REBECA eta CHIMO BAYOREKIN.

Udalak azpimarratu duenez, “musika estiloei dagokienez eskaintza zabala da; eta baita berdinzalea ere, emakumeen presentzia handia baita. Legegintzaldi honetan kulturaren aldeko apustua nabarmen sendotu da, inbertsioa nabarmen handituz, eta 2023ko herriko jaietarako lotutako talde hauek horren erakusle dira. Gainera, halako ekintzek eragin positiboa dute udalerriko sektore ekonomikoan”.