Udalak pumptrack pista zabaldu du Berrizburun

Berrizburuko Kirol eta Aisialdi Parkean kokatuta, obrak bi hilabetez luzatu dira eta 84.579 euroko inbertsioa suposatu du Berrizko Udalak herriko lehen pumptrack zirkuitua ireki berri du. Berrizburuko Kirol eta Aisialdi Parkean kokatuta, obrak bi hilabetez luzatu dira eta 84.579 euroko inbertsioa suposatu du.

Pistaren diseinuari dagokionez, mota guztietako kirolarientzat egokia den zirkuitua da, hiru gune nagusiz osatua, eta bizikletek, patineteek, patinek eta monopatinek erabili ahal izango dute. Maila ertaineko gune nagusi bat du, zortzi dubbi sinple eta bost bikoitzez osatua, eta jauzi hirukoitz bat, 90 eta 180 gradu arteko lau bihurgune batzen dituena, eta zirkuitu dinamiko bat sortzen duena erabiltzaile guztientzat, guztira 119 metro linealeko ibilbidearekin. Gainera, rider adituenentzat 50 metro linealeko aldaera tekniko bat integratu da, hiru jauzi teknikoz osatua. Horri esker, hainbat trikimailu egin ahal izango dira airean.

Iñaki Lejarreta

Azkenik, pumptracka Berrizburuko erdiko zabalgunean kokatzeak berak Iñaki Lejarreta BTT zirkuituarekin lotura iraunkorra izatea ahalbidetuko du, lehendik dagoen zirkuituarekin sekuentzia zuzena sortuz eta pumptrack pistari erabilera bikoitza emanez.

Proiektua gauzatzeko beharrezkoak diren kredituak udal-baliabideekin ordaindu dira, eta Bizkaiko Foru Aldundiak emandako dirulaguntzarekin, toki-administrazioak 2022an hasitako hiru proiektuen exekuzioa amaitu du, Berrizburuko Kirol- eta Aisialdi-parkearen garapenean aurrera egiten jarraitzeko. Lehenengoa skate park-a handitzea izan zen, eta bigarrena, Iñaki Lejarreta BTT zirkuitua hobetzea eta handitzea.