SAN JOSE JESUITAK · Manchesterretik Durangora euskal kultura ezagutzera etorritakoak

Izaskun Ellakuriaga

14 urte dira San Jose Jesuitak ikastetxeak elkartruke programa Stonyhurst College-kin hasi zuenetik. Egunotan, Ingalaterrako ikasleak Durangon daude eta euskal kultura zein tradizioak bertatik bertara ezagutzeko aukera daukate.

Euskal Herria eta Manchesterreko eskualdea, zehatza Lancashire County) ezagutzeko aukera daukate elkatrukean parte hartzen duten gazteek.  Joan dan urtarrilean Durangoko Jesuitak ikastetxeko ikasleak Manchesterren izan ziren, eta orain ingelesak dira gure artean. Durangoko egotaldian, euskal dantzak, herri kirolak eta beste hainbat ohitura ikusi, ezagutu eta saiatzeko modua izango dute. Durangoko Ezkurdi frontoira ere osteratxoa egin dute, pilota jokoa gertutik zer den jakiteko.