Gora San Faustoak! Gora Durango!

MIREIA ELKOROIRIBE

Mireia Elkoroiribe alkatearen mezua: BIDEO BAT

Durangarrak! 2024ko San Fausto jaiak hemen dira jada, eta horiekin iristen dira gozatzeko eta ospatzeko hainbeste itxarondako festa egun horiek. Durango bizitzaz, kolorez eta alaitasunez betetzen den unea da San Faustoak, non gure kaleak elkargune bihurtzen diren maiz ikusten ez ditugun senide, koadrila eta lagunekin berriz elkartzeko. Partekatzeko, barre egiteko eta gure tradizioez eta kulturaz elkarrekin gozatzeko garaia da.

Jai hauek, gainera, durangarra izatearen harrotasunaren beste adibide bat dira. Gu guztiok partekatzen dugun sentimendu hori eDurangarrak! 2024ko San Fausto jaiak hemen dira jada. Heldu dira durangar guztiok hainbeste itxarondako egunak. Durango bizitzaz, kolorez eta alaitasunez gainezka espero ditugu,  gure kaleak elkargune bihurtuko dira eta horietan zehar, nahi beste ikusten ez ditugun senide, koadrila eta lagunekin berriz elkartzeko aukera paregabek biziko ditugu. Tradizioez, zein berrikuntzez,… kulturaz elkarrekin gozatzeko garaiak izango dira datozenak.

Jai hauek durangarra izatearen harrotasunaren beste adibide bat dira, partekatzen dugun sentimendua eta guztiok batzen gaituena. Aurten, eskerrak eman nahi dizkiet jaiak posible izan daitezen denbora eta ahalegina eskaini duten pertsona guztiei. Eskerrik asko Jai Batzordeari, herriko elkarteei eta udaleko teknikariei, hartu duten konpromisoagatik eta jende guztiarentzako askotariko programa bat prestatzeagatik, ilusioz eta maitasunez pentsatua gutako bakoitzak bere gozamen-espazioa aurki dezan.

Txupinerak ere zoriondu nahiko nituzke  egun hauei hasiera emateko ohorea eta ardura izango dutelako. Badakit emozioz eta harrotasunez biziko duzuela une oro, eta ziur nago energia hori durangar guztioi transmititzen jakingo duzuela. Ez daukat inolako zalantzarik.

Aurten ere, errespetua, berdintasuna eta bizikidetza eskatu nahi ditut. 2024ko San Faustoak eredu izan daitezela nola goza dezakegun harmonian, elkar zainduz eta pertsona guztiek jaiak askatasunez eta segurtasunez bizi ditzaketela ziurtatuz. Izan ere, jaiak guztionak eta guztiontzat dira, eta errespetuz eta alaitasunez bakarrik egin ditzakegu benetan ahaztezin.

Parte hartzera eta intentsitatez gozatzera gonbidatzen zaituztet, eta jai hauek gure bihotzetan oroitzapen ezabaezin bilakatzera. Durangoko txoko bakoitzen gure barre eta musika ozen entzun dadila!

Gora San Faustoak! Gora Durango!