Urte amaierako lores. Ultimus flos anni

MAITE ATUTXA

Ingurua aldatu egin da

bihurtuz gris opakoa,

eta lausotu egin dira

distirak udakoak.


Askotan eremu lanbrotsuetan

ez da eguzki izpirik agertzen

eguna zabaldu gabekoa

eta laburragoa emanez.


Loreren bat baino ez da geratzen

harri koskor baten azpian,

eta haizeetatik babestua

aurkitu duelako etxe atsegina.


Ateratzen ditu lotsakor

petaloak distiratzera,

eguzkitsuak diren

udazkeneko egunetan.


Saiatu egingo da bizirauten

egun hotzak, zoritxarrekoak,

egun luzeekin amets egiten,

…argiak, beroak eta urre-kolorekoak!