Amak taldeak abuztuko Mallabiko jaietan joko du

Abuztuaren 14an haurrentzako txupinazoa izango da Alkate Txikiarekin 12:00etan eta arratsaldeko 19:00etan Karmele Gisasola kirolari mallabitarrak herriko jaiei hasiera emango die txupinazoarekin. Aurtengo txupina jaurtitzeko Karmele Gisasola aukeratu dute mallabitarrek, herri kiroletan egindako palmares handiari omenaldi eta errekonozimendu gisa eta emakumezkoen kategorian kirol honen aitzindari gisa.

Amak: «Gora ezpain gorriak!».

Egun horretan, bits festa eta kale animazioa, erromeria Basajaunekin eta pilota partidak Zubizarreta-Uriondo eta Alberdi-Aretxabaletaren eskutik, eta Artola -Albisu eta Jaka-Imazen eskutik egongo dira. Sarrerak udaletxean egongo dira eskuragarri abuztuaren 1etik 12ra, 12 euroko prezioan langabezian dauden pertsonentzat, ikasleentzat, jubilatuentzat eta pentsionistentzat. Gainerako mallabitarrentzat prezioa 18 €-koa izango da. Egunean bertan ere erosi ahal izango dira sarrerak, 20: 30etik aurrera, 25 €-ko prezioan.

Harrijasotzaileak

Abuztuaren 15ean, Andra Mari egunean, Tute Txapelketa izango da eta XXXII. Gizonezkoen harri-jasotze saria eta II. Emakumezkoen harri-jasotze saria 17:00etatik aurrera, jatorri desberdinetako 15 parte-hartzailerekin: Zarautz, Errumania, Madril, Palentzia, El Ferrol eta Mallabiko, Karmele Gisasola ‘Zelai III’ eta Jon Gisasola ‘Zelai V’ arekin.

Egunari bukaera emateko, besteak beste, «Ricky, teniseko irakaslea» antzezlana eta «Amak» taldearen kontzertua egongo dira.
Abuztuaren 16an, San Roke egunean, paella eta marmitako lehiaketak egingo dira goizeko 11:00etatik aurrera. Egun honetan jubilatuen bazkaria ere izango da 14:15ean Kontzejuzarran eta izena emateko azken eguna abuztuaren 5ean izango da udaletxean. Izena emanez gero eta ezin izanez gero, udalak epe barruan jakinaraztea eskatzen du.

Durangaldeko Luhartz taldea.

Luhartz taldea

Eguna eta jaiak koadrilen arteko jolasekin, txahal errearekin (pintxo 1, euro 1) eta sagardoarekin, eta Luhartz taldearen erromeriarekin agurtuko dira.

Udalak Andra Mari jaiak bakean bizitzeko deia egiten du, non erantzukizuna, inklusibotasuna, errespetua, tolerantzia eta berdintasuna nagusi izango diren, eta erasorik gabe, non, batez ere emakumeek, askatasunez eta lasaitasunez gozatu ahal izango duten.

Egitarau osoa hemen.