Berrizko XX Kaleko pintura lehiaketa maiatzaren 4an ospatuko da

Datorren maiatzaren 4an Berrizko XX Kaleko pintura lehiaketa ospatuko da. Lanak aire librean egingo dira Berrizko udalerrian eta lehiaketaren egunean bertan eta herriko irudietan oinarrituko dira, hauen aukeraketa erabat librea delarik.

Lehenengo saria 600 eurokoa izango da, bigarrena 500 eurokoa eta hirugarren saria 400 eurokoa. Lehenengo sailkatu den berriztarrari 300 euroko saria emango zaio, lehenengo hiru sarituen artean ez badago. Epaimahaiaren erabakia eta eraketa jendaurrean jakinaraziko dira lehiaketaren egunean Berrizko Kultur Etxean, 18:00etan. Une horretan, sariak banatuko dira.

Lanak 2019ko maiatzaren 4tik 25era bitartean erakutsiko dira Berrizko Kultur Etxean.