Iurretako Zaldai Mendi Argazki Lehiaketa martxan

Zaldai Mendi Taldeak 10 urte beteko ditu aurten, eta hori dela eta egonkortutako ekintzez gain beste hainbat ekintza antolatu ditu. Tartean, mendia, natura eta ingurumenari buruzko Zaldai Mendi Argazki Lehiaketa martxa jarri da jada.

LEHIAKETAREN OINARRIAK

1) Argazkiak originalak eta berriak izan beharko dira, 2019 urtean zehar ateratakoak.

2) Parte-hartzaileek hiruna argazki aurkezteko aukera izango dute gehienez.

3) Argazkiak zaldai@hotmail.com helbide elektronikora bidali beharko dira ahalik eta kalidade onenean, azaroaren 24-a baino lehen, egilearen honako datuekin:

Izena / Abizenak / Herria / Telefonoa / Helbide elektronikoa / Argazkia non eta noiz aterata dagoen

4) Lehiaketan parte hartzearekin batera Zaldai Mendi Taldeari argazkia bidaltzeko eta zabaltzeko baimena ematen zaio.

5) Sari banaketa Iurretako III. Mendi Astearen barruan egingo da eta argazki irabazleak gainontzeko argazkiekin batera Zaldai Mendi Taldeko X. urteurreneko erakusketan ikusi ahal izango dira.

Sariak: 1. saria 150€ / 2. saria 100€ / 3. saria 50€