Uztargi.klik elkartearen bi erakusketa Amorebietako Zelaieta Zentroan irailean

MUGA 10 URTE ZUREKIN

Uztargi.klik Elkarteak bi erakusketa antolatu ditu Zelaieta Zentroan irailean zehar. Erakusketa horiek aukera paregabea eskainiko diete herritarrei zein bisitariei elkarte honetako kide diren tokiko argazkilarien talentuaz eta sormenaz gozatzeko.

Paco Valderasi omenaldia

Irailaren 2tik 15era, Zelaieta Zentroak “Paco Valderasi omenaldia” erakusketa hartuko du. Erakusketa honek duela gutxi hil zen Paco Valderas Uztargi.klikeko kideari gorazarre egiten dio, bere argazkien aukeraketa bat aurkeztuz. Erakusketa ez da soilik bere lanaren errekonozimendua, baizik eta baita elkarteari eta Amorebieta-Etxanoko argazkilari komunitareari egindako ekarpenaren omenaldia ere.

Gaueko Argazkiak

Irailaren 16tik 29ra, Zelaieta Zentroan bertan, “Gaueko argazkiak” erakusketa kolektiboa aurkeztuko da. Erakusketa hau Uztargi.klikeko kideek gaueko argazkigintzaren inguruan egindako hainbat irudik osatuko dute. Bisitariek gauaren edertasuna irudikatzen duten argazkiez gozatu ahal izango dute, izar-paisaietatik hasi eta ilargiaren argipean dauden hiri-eszenetaraino, elkarteko argazkilarien trebetasuna eta sormena nabarmenduz.

Bi erakusketak Zelaieta Zentroaren ohiko ordutegian egongo dira zabalik eta sarrera librea izango da. Amorebieta-Etxanoko Udalak herritar eta bisitari guztiak gonbidatzen ditu ekimen kultural horietara joatera,gure herrian argazkigintzarekiko dugun talentuaren eta pasioaren erakusgarri bikaina baitira.