Durangoko euskararen erabileraren inguruko datuak aurkeztuko dira Plateruenan asteazkenean

Datorren asteazkenean, Durangoko euskararen erabileraren inguruko datuak aurkeztuko dira Plateruenan. Durangoko Udalak eskatuta, aurtengo ekaina eta uztailean, Soziolinguistika Klusterrak hizkuntzen erabileraren kale neurketa egin zuen. Lehen aldia da, Durangon, Klusterrak horren neurketa osoa egiten duela. Beraz, datu asko eta interesgarriak jaso eta aurkeztuko dira.

Datuen eta ondorioen berri, Asier Basurto Klusterreko teknikariak emango du, datorren abenduaren 13an, asteazkena, Plateruena Kafe Antzokian, arratsaldeko 19:00etan.