Herri batzorde bat sortuko dute Durangon euskararen erabilera aktibatzeko

Izaskun Ellakuriaga

Euskaraldia izenburuarekin hizkuntza ohituretan eragiteko “11 egun euskaraz” egitasmoa aurkeztu berri dute Euskal Herri osoan. 2018. urtean abiatuko da egitasmoa eta hori prestatzeko herriz herri lantaldeak eratuko dira. Durangon, abenduaren 1ean, egingo da aurkezpena.

Andra Mariko elipzean, 19:30ean, 11 egun euskaraz zer izango den azalduko dute. Aipatutako hamaika egunak 2018 amaieran egingo badira ere, urte osoko lana izatea aurreikusten dute, egitasmoaren berri zabaltzeko, formazioa jaso, girotu, eragileekin batu… horregaitik, Durangon herri batzorde bat sortzea da amsoa. Karrika antzerki taldekoen laguntzarekin, beraz, ostiral honetan ekimenaren berri zabalduko dute.