Abadiñoko gazteek perretxikoak batuko dituzte azaroaren 18an

Udalaren Gazteria Arloak Aisialdi Gaztea egitarauaren barruan eta herriko Mikologia Elkartearekin batera antolatutako ekimen batean, azaroaren 18an Abadiñoko gazteek perretxikoak batuko dituzte Urkiolako santutegi inguruan.

Gazteak 10:00etan elkartuko dira eta 13:00ak arte ekingo diote perretxiko batzen, mikologia elkarteko kideek lagunduta. Ekintza horretan parte hartu nahi duenak izena eman behar du  azaroaren 8tik 15era bitartean Udal Mediatekan nahiz Errotan.