Durangoko txupineroen bazkaria Peña Ezkurdin ospatuko da larunbatean

Datorren larunbatean, urriaren 7an, batuko dira Durangoko Txupineroak,  berriro ere, urteroko bazkarian.

2001. urtean elkartu ziren lehenengoz, mahaiaren inguruan,  Heria Auzo Elkartearen txokoan eta harrezkero, urtero urtero eutsi diote ohiturara, herriko eta inguruetako txokoetan afal edo bazkalordu atseginetan.

Aurton, 1976tik 2016ra bitartean txupinero izandako 25 herritar batuko dira Peña Ezkurdi txokoan, euren arteko “chef”ak, -José Angel Gato kasu honetan-, Zezenak Diar taldetik aukeratua 2005. urtean,  prestatuko janariaz gozatzeko.

«Horrela prestatzen dira txupineroak,  aurretiaz, bezperatik,  jaietarako indarrak hartuz», adierazi dute antolatzaileek.