Zeker talde elorriarrak bere punk-oi bizitasuna deskargatu du Ahotsenean
KULTURA DA!
Zeker Elorrioko taldeak kontzertu indartsua eta energetikoa eman du gaur Ahotsenean, Durangoko Azokaren baitan. Laukotea Plateruena Kultur Aterpeko eskenatokira igo da ‘Su hartu bitartean’ bere bigarren lana aurkeztera. Jende askoren aurrean, punk rock musikaz betetako set bat eman dute street-puk eta oi doinuekin.
Zeker Plateruenan. IBAN GORRITI
EP berriak 5 abesti ditu eta Azokan eros daiteke Koldo Otamendiren ‘Musika Zuzenenam’ standean.
Su hartu bitartean
Zeker
Diskoetxea: Musika Zuzenean
Prezioa: 5 €
Urtea: 2023
Euskarria: CD
Deskripzioa
Zeker taldearen ‘Su hartu bitartean’ (2023, auto-ekoizpena) EP-ak, euskarazko 5 abesti jasotzen ditu. Lehen diskoko punk-rock soinuekin jarraituz, abestiek kutsu bizkorrago bat hartu dute oraingoan. Euskara hutsean eta taldearen zigilu diren ahots melodikoekin, egunerokotasunak eta bizi dugun gizartearen norabideak sortutako kezkei buruz mintzo da lana. ‘Su hartu bitartean’ Berriz herriko Lorentzo Records estudioan grabatu eta nahastu zen 2023ko apirilean, Aitor Ariñoren eskutik, eta ekainean ikusi zuen argia formatu digitalean.
MusikaZuzenean standean dago eskuragarri, ale zenbatuak dituen edizio mugatuan.
