#MARTXOAK 8 · Elorrioko emakume artisten erakusketa antolatu du Udalak

Mugalari

Martxoaren 8aren baitan, Iturri Kultur Etxeko erakusketa gelan egingo da erakusketa. Bertan, herriko emakume artistek beren lanak ezagutaraztea izango da helburua.

Elorrioko emakume artistek beren obrak ezagutarazteko asmoz, Elorrioko udalak erakusketa antolatuko du martxoan zehar, Emakumeen eta Gizonen arteko Berdintasunerako Egunaren baitan. Helburu horrekin, herriko emakumeek parte hartzeko deialdia zabaldu du Udalak, izan ere, urtarrilaren 31n bukatuko da lanak aurkezteko epea.

Elorriokoa den edo Elorrion bizi den edozein emakume dago gonbidatuta parte hartzera. Arte klasikoetako lanak edo teknika modernoak ere onartuko dira. Parte hartu nahi dutenek email bat idatzi beharko dute elorriokultura@gmail.com-era hurrengo datuekin: curriculum labur bat (ikasketak, egindako erakusketak, …) eta aurkeztu nahi diren lanen argazkiak. Horren ondoren, epaimahai batek egingo du artelanen aukeraketa.