Durangoko Landakoko bidegorria partzialki itxiko da goi tentsioko linea lurperatzeko

MUGA EUSKARAZ

Abuztuaren 1etik aurrera, Landakoko bidegorria partzialki itxiko da, inguru horretan dagoen goi tentsioko aire linea lurperatzeko lanak egiteko. Lanek hiru aste inguru iraungo dute, eta itxiturak Landako 2 kiroldegitik (igerilekuak) skate parkeraino doan tarteari eragingo dio.

Obren helburua da Open Club gimnasio zaharretik Landako 2 kiroldegiraino doan goi tentsioko aireko linea lurperatzea eta kableak eusten dituen dorreak kentzea, instalazio elektrikoa lurpean gera dadin, aireko espazioa bidegorriaren eta tenis pisten gainetik askatuz.