Eibarko JULEN abeslariak bere lehen EParen aurkezpen kontzertua emango du ostiralean Ermua Antzokian
Ostiralean, maiatzak 12, JULEN artistaren kontzertua burutuko da Ermua Antzokian, 20.30ean. Artistaren lehen EParen (Bihotzera giltza) aurkezpen kontzertua izango da. Bertan ez da bakarrik egongo, luxuzko kolaboratzaileak izango ditu bidelagun, esaterako: Asier Beramendi (Eraul), Esanezin, Idoia Asurmendi eta Pablo Zurutuza (Mugan). Gonbidatu hauetaz gain, Benetan Zabiz podcastaren show berezia eta Ainhoa Aldazabal euskal sortzailearen kolaborazio berezia izango dira bertan. Sarrerak 10 euroan daude salgai Lobiano Kultur Gunean, Kutxabanken webgunean eta, kontzertua hasi baino ordubete lehenagotik, Ermua Antzokiko leihatilan.
JULEN.
JULEN proiektua, Julen Leturiondo gazte eibartarrak sortutako proiektua da. Hainbat kontzertu eman ditu Euskal Herriko herri eta plaza desberdinetan, hala nola: Donostia Festibala, Atlantikaldia, Doka, Atabal, San Agustin Kulturgunea… 2022an JULENek bi kantu kaleratu zituen ‘Ixilduak’ eta ‘Itzalaren babesean’ eta izugarrizko harrera izan dute denbora gutxian. 2023an, gazteak bere lehen EPa aurkeztuko du: Bihotzera giltza (2023)
Julen Leturiondo eibartarraren proiektu artistikoa da JULEN. Ahots boteretsu eta berezia du gazteak, eta horri, eta bere konposizioei esker, Kutxa Kultur Musika 2022ko programan aukeratua izan zen. Honela hasi zen bere ibilbidea. 2022ko apirilean Ixilduak aurkezpen kantu gisa argitaratu arren, aurretik babes handia lortu zuen hedabideetan eta publiko orokorrean. Horrela, Olatz Salvador, Mikel Erentxun edo Anne Lukin bezalako artista handientzako kontzertuak irekiz. Urte horren amaieran, Itzalaren babesean (2022) argitaratu zuen.
Hau dela medio, hainbat kontzertu eman ditu Euskal Herriko herri eta plaza desberdinetan, hala nola: Donostia Festibala, Atlantikaldia, Doka, Atabal, San Agustin Kulturgunea, Amorebieta-Etxanon… 2023an, gazteak bere lehen EPa aurkeztuko du: Bihotzera giltza (2023). Diziplina artistiko desberdinen arteko lotunea denez honako proiektua, irudi, soinu eta diseinu aldaketa bat eman da azken lan honen harira. Eszenatokietan lan berria aurkezteko unea du orain.
