Durangoko udal bibliotekak ‘Bidaiaren oinarriak: errepidean’ bookjockey ekimena jarriko du martxan

Mugalari 

· Bookjockey saio bat, gela baten egiten den «narrazio» antzeko ekintza bat da, argazki liburuak erakusten eta nahasten dira “istorio” berri bat sortuz

· Saioa ostiralean izango da, azaroak 6, arratsaldeko 19.00etan eta Miren Pastor argazkilari eta kultur dinamizatzailearen lanetan oinarrituko da

· BookJockey hau argazkilaritza, liburuak eta orokorrean kultura zalea den guztientzat zuzendurik dago

Durangoko Udal Bibliotekak ‘Bidaiaren Oinarriak: Errepidean’ bookjockey ekimena jarriko du martxan ostiral honetan, azaroak 6, arratsaldeko 19.00etan. BookJockey saio bat, gela baten egiten den «narrazio» antzeko ekintza bat da, DJ saio baten antzekoa, baina musikaren ordez argazki liburuak erakusten eta nahasten dira “istorio” berri bat sortuz. Gauzak horrela ikusleak argazki liburuak sentitzera eta saioarekin gozatzera gonbidatzen zaie.

BookJockey.

Historian zehar argazkilaritza eta errepidea betidanik egon dira ertsiki lotuta, argazkilari batzuen kasuan, errepidea bilakatu delarik beraien lanen ardatz nagusi. XIX. mendetik hasi eta gaur egunerarte errepideak presentzia handia izan duen autoreen argazki liburuen orrialdeetatik jausika ibiliko gara, teknika, kultura zein teknologi aldaketa handiak aurkituz.

Zentzu horretan, BookJockey saio hau, argazkilaria eta kultur dinamizatzailea den Miren Pastorren (Lekeitio, 1985) lanetan oinarrituko da. Arte Ederretan lizentziatua, Miren Pastor, Cristina Iglesias, Daniel Canogar, Roberto Coromina edo Christian
Patterson bezalako artisten asistentea izan da.

Gijongo Gema Llazamazares galerian eta Gasteizko Amarika Aretoan izan ditu Bidean proiektuaren erakusketak eta argazki liburu bi argitaratu ditu. Gaur egun sorkuntzako proiektu pertsonalak, Madrileko Blank Paper argazki eskolako koordinazioarekin, MOB, kultura sareetan sustatzeko plataformarekin eta La troupe kolektiboarekin uztartzen ditu.

BookJockey-a argazki liburuak ezagutu eta beraiekin gozatzeko formatu esperimentala da eta argazkilaritza, liburuak eta orokorrean kultura zalea den guztientzat zuzendurik dago.  Ekimen honen inguruko informazio gehiago jasotzeko www.photobookjockey.com web orrialdea kontsulta daiteke.

Zure publizitatea Mugalarin

Amorebieta-Etxanoko Udala