Zaldibarko VII. Mendi Jardunaldiak ostegunean hasiko dira

Martxoaren 30etik aurrera eta apirilean zehar, Zaldibarko Mendi Jardunaldien zazpigarren edizioa ospatuko da, eta azaroaren 9an amaituko da, Pou anaien liburuaren aurkezpenarekin. Programazioak mendiaren inguruko dokumentalak hartuko ditu, eta Mendi Film Nazioarteko Jaialdiko film onenen zirkuitu ibiltariaren geralekuetako bat izango da berriz ere.

Horrela, edizio berri hau datorren martxoaren 30ean hasiko da, 18:30ean, ‘Ainarak’ dokumentalarekin. Apirilaren 3an eta 17an BBK Mendi Film Bilbao-Bizkaia ekimenaren aurreko edizioan saritutako filmak proiektatuko dira 18:30etatik aurrera liburutegi zaharrean. «Iretargi» “Tofo! Castanyer, El Corredor lnfinit” eta “De L’ombre a la Lumiere” apirilaren 3an eta «Agur Artzai», “Ephemeral” eta “This is Beth” 17an. Sarrera doakoa izango da.

Yosemite

Apirilaren 20an, berriz, Idoia Rubialek eta Maite Zumarragak Yosemiteko haranean eskalatzen duten esperientzia kontatzen duen ‘Egun on, Capitan’ ‘ikus-entzunezkoaren txanda izango da. Hiru hilabeteko bidaia izan zen haitz-eskaladaren munduko mekara, eta bi euskal eskalatzaileek «The Nose» ospetsua eskalatu zuten.

Programazioa azaroaren 9an amaituko da, Pou anaien ‘Aupa Pou: Bizitzari sokaz lotuta’ liburuaren aurkezpenarekin. Beraiek abenturazko liburu gisa definitutako liburu horrek mendiko lehen urrats nabarmenetatik, hain ongi ezagutzen eta estimatzen dituzten Pirinio horietatik, egun batean Juanito Oiarzabalen eskutik agertu ziren zortzimilakoetaraino kontatzen du; Montblancetik hasi eta Patagoniako Cerro Torre edo Yosemiteko Kapitaina bezalako kolosoetaraino.