Medicus Mundik abiarazi du ‘Durangotik Hegoaldera’ lehiaketa

Medicus Mundik martxan jarri du “Durangotik Hegoaldera” lehiaketa, Durangoko herritarrak osasunaren eta berdintasunaren aldeko ekimenetan parte hartzera bultzatzeko helburuarekin. Ekimenaren bidez, parte-hartzaileek hausnartu eta proposamenak aurkeztu beharko dituzte galdera honi erantzunez: “Zer egin dezakegu Durangon osasunaren eta berdintasunaren alde?”.

Lehiaketako sari nagusia berezia izango da: hiru lagunentzako bidaia Guatemalara, 2026ko udan, medicusmundik herrialde horretan garatzen dituen proiektuak bertatik bertara ezagutzeko aukera eskainiko duena.

Parte hartu nahi duten pertsonek zalantzak argitzeko saio batean parte hartu ahal izango dute. Topaketa ekainaren 4an, 18:30ean, Andragunean egingo da, eta bertan lehiaketaren xehetasunak azalduko dira.

Izena emateko epea 2026ko ekainaren 17ra arte egongo da zabalik. Ondoren, parte-hartzaileek beren proposamenak aurkeztu beharko dituzte ekainaren 18an, 18:00etan, Andragunean egingo den ekitaldian.

Antolatzaileek gogorarazi dute eskuragarri daudela bai lehiaketaren oinarriak, bai aurkeztu beharreko txostenaren egitura eta balorazio irizpideak, interesdunek informazio guztia kontsultatu ahal izan dezaten.

Informazio gehiago jasotzeko, herritarrek 688 717 051 telefono zenbakira deitu edo educa.bizkaia@medicusmundi.es helbidera idatzi dezakete.