Amorebieta 20 udalerrien artean dago ‘Bizkaian bagara’ egitasmoan

Amorebieta-Etxano Durangaldeko bakarra da “Bizkaian bagara. Berbak zubi” egitasmoan parte hartzen duten 20 udalerrien artean. Programak lehen urtean herritarren aktibazioa eta euskararen erabilera bultzatu ditu, 15 ekimen garatuz Bizkaiko 8 eskualdetan. Hiru urteren helburua da euskara sustatzea eta hainbat bizkaitar aktibatzea eta antolatzea.

Leixuri Arrizabalaga Euskara, Kultura eta Kirol diputatuak ekimenaren harrera ona nabarmendu zuen eta euskararen aldeko indarrak batzen jarraitzeko deia egin zien guztiei. Taupa Mugimenduko Jaione Mendizabalek, berriz, azaldu du herri bakoitzeko hizkuntza-errealitatearen arabera lan egin dela, modu eta adin desberdinetako biztanleekin, euskararen erabilera eta gizartearen hurbiltzea helburu.

Urte honetan, hainbat proiektu jarri dira martxan, tokiko euskararen saretze eta aktibazio diagnostikoan oinarrituta. Horien artean daude:

• Gogoeta saioak eta Batera Jauzi prozesua: tokiko euskaltzaleak aktibatu eta saretu.

• Auzoko elkarrizketak: aniztasuna balorean jarri eta herritarrak euskarara hurbildu.

• Elkarrizketa musikatuak eta Euskararen Kriseilua: gazteen eta familien artean hizkuntza erabilera sustatu.

Amorebieta-Etxanon, gazteei zuzendutako Elkarrizketa Musikatuak antolatu dira, bertako udalekin eta ikastetxeekin elkarlanean, 2.074 gazteri zuzenduta. Bestalde, Arrigorriagan Batera Jauzi prozesua abiatu da, herria euskaldunagoa izan dadin lanean, datorren euskararen egunean “Herri ituna” aurkeztu nahi dutelarik.

“Bizkaian bagara. Berbak zubi” egitasmoak urrats berriak ematen jarraitzen du euskararen biziberritzean, herritarren aktibazioa eta erabilera sustatuz, udalerri guztietan.