Plaza guztiak beteta, Berba Parranda irakurketa klub berria hastera doa Elorrion
MUGA ELORRIO
Ikasturte honetan Berba Parranda irakurketa kluba sortzeko apustua egin du Udal Bibliotekak, Oihana Etxegibelek gidatuta. 12 urtez azpiko gazteei zuzenduta dago, plaza guztiak beteta daude eta asteazken honetan egingo dute lehenengo saioa.
‘Txangoan txiripaz’ komikia aukeratu du dinamizatzaileak lehenengo irakurgai moduan, hortaz, hari buruz egingo dute berba. Hori baita Berba Parrandaren helburua: argitaratu berriak zein betiko klasikoak ezagutaraztea eta edukiak norberari sortu dizkion inpresioak elkarbanatzea.