Amorebietako Luis Urrengoetxea kaleko jaiak, atzotik eta igandera arte

Uda sasoiko festa guztien ostean, badatoz, oraingoan, Luis Urrengoetxea kaleko jaiak. Aipatu kalea jai giroan murgilduko da gaurtik hasita igandera bitartean, azaroaren 7tik 10era, alegia, eta festak ospatuko ditu, haur, gazte zein helduei zuzenduriko egitarau zabalarekin.

Atzo, azaroak 7, pintxo poteak eman zien hasiera auzoko festei, arratsaldeko 19:00etan eta igandea bitarte, ekintza andana izango dira aukeran: Parabellum taldeko kontzertua, igel txapelketa, umeentzako jokoak, Zornotzako erraldoiak, Udabarri dantza taldea, erromeria, kontzertuak…Hala, igandean, errifaren zozketak emango die amaiera jaiei.

Parabellum taldea.