Jaiak direla eta, trafikoan aldaketak eta gaueko autobus zerbitzu berezia egongo dira

JAIAK ELORRIO​

Irailaren 1ean Elorrion Ferixa Nausia antolatzen denez, ezinbestez trafiko-aldaketak izango dira, nekazaritza, abeltzaintza eta artisau azokaren prestaketa eta osteko lanek eraginda.

Hala, abuztuak 29tik Iraila 2ra San Pio kaleko geltokia bakarrik egongo da erabilgarri, bai herrira datozenentzat baita bertatik irteten direnentzat ere. Bertaratzeko bidea ohikoa izango da: San Agustingo errotonda – San Fausto – San Pio. Beraz, ibilbidea San Pio kalean amaituko da, eta geltoki hori erabiliko da bai bidaiariak igotzeko eta baita jaisteko ere. Irteera honela egingo da: Errebonbillo, Labakua eta Ibarra kaleetatik berriro ere San Agustingo errotondarantz.

Bestalde, Elizburu kalea trafikoari itxita egongo da abuztuaren 30etik irailaren 2ra.

Gainera, abuztuaren 30etik irailaren 7ra arte gaueko autobus zerbitzu berezia jarriko da martxan, Elorrio eta Durango artean. Ondoko estekan klikatuta ikus daiteke ordutegi zehatza.

Informazio-kartela​ (PDF 340KB)