Santiago Apostoluaren omenezko jaiei hasiera emango dien txupinazoa berrogeita hamalau egun barru botako da. Uztailak 24ko arratsaldeko 19:00etan, Orbe Kardinalaren plazan. ‘Mikel Losada’k Andoni Ferreño aktore eta aurkezlearen lekukoa jaso du, bigarren horrek iaz izan baitzen. Urteko txupineroaren aukeraketak herriko pertsonak aintzatetsi, omendu eta balioetsi nahi ditu, kirol, lanbide edo kultura arloetan egindako lorpenen edo ibilbideagatik.

Mikel Losada Garcia zinema, antzerki eta telebistako aktore ezaguna da. Ermuan jaio zen 1978ko abenduaren 28an. Oso gazterik hasi zen interpretazioaren munduan. Hamasei urterekin antzerki eta ikus-entzunezko proiektuetan lehen paperak egin zituen. Hemezortzi urte zituela, Ramon Barearen antzerki konpainian sartu zen. Harrezkero, bere karrera profesional oparoa ez da eten. Ehun ikus-entzunezko ekoizpen baino gehiagotan lan egin du, horien artean «Ane» edo «Intimidad» (Netflix). Ehun antzerki-ekoizpen baino gehiagotan ere bai, geografia nazional osoan zehar.

Hiru aldiz izendatu dute Euskal Aktoreen Batasuneko Sarietan Euskal Aktore Onenaren Sarirako; azkenekoz 2022an, «Ane» filmarengatik. 2001ean Telebistako Aktore Onenaren Saria irabazi zuen Euskal Aktoreen Batasunaren Sarietan, eta 2022an kategoria berean izendatu zuten «Intimitatea» telesailagatik.

Gaur egun Bilbon bizi da, baina harreman estuak ditu Ermuarekin eta sarri etortzen da, bertan baititu bere familia eta lagunak.