Larunbata,
2024ko Ekainak22

MugaKultura

loader-image
Durango
4:34 am,
temperature icon 16°C
Humidity 99 %
Ráfagas de viento: 1 Km/h

Ekonomia sozial eta solidarioa ardatz duen erakusketa berria Amorebietako ikusgai Zelaieta Zentroan

MUGA

Ikusgai dago, Zelaieta Zentroko lehen solairuan «Finantza etikoen eta bidezko merkataritzaren eragin eraldatzailea» erakusketa berria. KIDENDA elkarteak Oikocredit Euskadirekin eta Finantza Etikoen Elkartearekin elkarlanean antolatutako erakusketa hau ekainaren 19ra arte egongo da zabalik, eta ekonomia sozial eta solidarioaren garrantzia azpimarratzen du.

Hala, erakusketak ekonomia sozial eta solidarioaren funtsezko bi espazio batzen ditu: finantza etikoak eta bidezko merkataritza, historikoki elkarren eskutik joan direnak, elkar elikatuz eta indartuz. Ibilbidean zehar, bisitariek bizitza etikoaren ereduarekin bat datozen kontsumo eta aurrezki-erabakiak hartzeko jarraitu beharreko bidea ezagutu ahal izango dute. Izan ere, eguneroko erabakiek, ingurune hurbilari eragiteaz gain, Hegoaldeko komunitate globaletan ere eragin nabarmena dute eta hori da, hain zuzen, erakusketa honen helburu nagusia, alegia, justizia soziala eta garapen iraunkorra sustatzen duten kontsumo eta aurrezki praktika arduratsuak hartzearen garrantziaz herritarrak kontzientziatzea.

Horrela, informazio-panelen eta erakusketa interaktiboen bidez, erakusketak eguneroko ohiturek mundu bidezkoago eta iraunkorrago batean lagun dezaketela erakusten du.

Bilduma berriak, beraz, beren eguneroko erabakien eraginari buruz hausnartzera gonbidatuko ditu ikusleak, eta kontsumo kontzienteago eta solidarioago baterako mugimendu global batean parte hartzeko aukera ere emango die, gure finantza eta kontsumo-praktiketan ikuspegi etikoak duen garrantzia azpimarratuz.

Ayúdanos a crecer en cultura difundiendo esta idea.

Bilatu