Durangaldeko Mankomunitateak adinekoentzako bidaia kulturala antolatu du Pirinioetara

Durangaldeko adinekoen zerbitzuak eta Durangoko Udaleko adinekoen zerbitzuak “PIRINIO ETA JAKA ZIRKUITUA” antolatu dute, eta bertan hainbat udalerri bisitatzeko aukera izango da, hala nola Jaca, Ordesako parke nazionala, Canfranceko  eski estazioa, Huescako Katedrala eta Eliza eta San Pedro Zaharreko klaustroak, Loarreko gaztelua eta San Juan de La Peñako monasterioa, etabar.

Bidaiak 6 egun (5 gau) iraungo du, pentsio osoan.

Prezioa 580 eurokoa da pertsonako logela bikoitzean, eta ibilbide osoan gidariaren laguntza eta ibilbideko txango eta bisita guztiak barne hartzen ditu.

Izen-emateak ekainaren 10etik 21era egin beharko dira (biak barne).

Zozketa ekainaren 25ean egingo da Durangoko San Agustin kultur gunean (San Agustinalde kalea, 12) , 10:30etan.

Irteera-datak bi izango dira:

• Urriaren 13tik 18ra (2 autobus).
• Urriaren 20tik 25era (2 autobus).

Durangon erroldatutako interesdunek Durangoko adinekoen zerbitzuan eman dezakete izena (Pablo Pedro Astarloa kalea, 1–2./tel. 94 465 74 51) eta gainerako udalerrietako adinekoek Mankomunitateko adinekoen zerbitzuan (Durangoko Elkartegia, Landako, 4 / tel. 94 620 05 46).