Ane Renedo berriztarrak irabazi du herriko jaietako kartel lehiaketa

Ane Renedo izan da Berrizko XXIV. Jaietako kartel lehiaketaren irabazlea eta, beraz, berriztar gaztearen diseinua izango da 2024ko San Pedro eta Santa Isabel jaietako irudia.

Joan den asteartean, jai batzordeko epaimahaiak, herritarren boto gehien jaso duten hiru kartelen artean, aho batez erabaki zuen Ane Renedoren «Zisneen aintziran» proposamena saritzea. 400 euro irabazi ditu.