Igandean, ‘Durango Kantari’ herri ekimenak Ezkurdi eta Andra Maria zeharkatuko ditu
Durangoko Udalak «Durango Kantari» ekimenaren abesti libretoa berrargitaratu du. Libreto hori eskuragarri dago jada Herritarrentzako Arreta Zerbitzuan (HAZ), 2 euroren truke, eta ekimenaren eta liburuxkaren beraren balioa nabarmentzea du helburu, herritarrei irteera guztietan gorde eta berrerabil dezaten sustatuz, ingurumena zaintzen laguntzeko.
Durango Kantariren hurrengo irteera maiatzaren 26ean izango da, igandean, Ezkurdin eta Andra Maria elizpean, 12:00etatik 14:00etara.
«Ez galdu Durango Kantariko kide izateko eta musikaz eta giro onaz gozatzeko aukera hau. Zure zain gaude!», adierazi dute.
