Durangok egoera txarrean dagoen aranondo bat moztuko du Pinondo inguruan

Durangoko Udalak Pinondo inguruan dauden zuhaitzen azterketa egin du. Joan den apirilean, haize bortitz batek zuhaitz txiki bat (pisardi bat) bota zuen, ondorioz azterketa egiteko erabakia hartu zuen udalak.

Udalerriko bizilagunen segurtasuna eta ongizatea bermatzeko, eremu horretako zuhaitzen prebentzio-kontrola egin da. Azterketa horretan, beste zuhaitz bat identifikatu da, aranondo bat, pisardi espeziekoa, eta, gaur egun duen egoera dela eta, moztu egin behar da, oinezkoen segurtasuna bermatzeko.

Kaltetutako zuhaitza nabarmen zaharkituta dago; alboetan ahultasun-zantzu nabarmenak ditu, eta, gainera, oinezkoentzako pasagunera okertuta dago. Inklinazio hori, enborraren hauskortasunarekin batera, arriskutsua izan daiteke herritarrentzat, batez ere haize-bolada gogorrak daudenean.

Herritarrentzako edozein arrisku saihesteko asmoz, Udalak zuhaitza berehala moztea erabaki du, Durangoko bizilagunei neurri hori beharrezkoa dela eta kaleetan eta parkeetan segurtasuna mantentzeko neurri guztiak hartzen ari