Osteguna,
2024ko Maiatzak23

MugaKultura

loader-image
Durango
7:45 pm,
temperature icon 16°C
Humidity 71 %
Ráfagas de viento: 10 Km/h

Amorebieta-Etxanon datorrena: Memoria, Belatxikietako ermitaren 75. urteurrena, Haizetara, boxeo gaua…

Amorebieta-Etxanoko Udalak ‘Jarduerak Zornotzan’ gidaren azken edizioa argitaratu du, apiriletik ekainera bitartean udalerrian garatuko den jarduera agendarekin osatua. Gida honek batzen duen agenda Zornotzarren egunerokoa aberasteko eta herritarren parte-hartzea sustatzeko diseinatu da, gida honek 10 eremu baino gehiago uztatzen ditu, 70 jardueratik gora. Kategoria horietan sartzen dira kultura eta arte ekitaldiak, gazte eta haur jarduerak, zuzeneko musika, erakusketak eta udalerriko natura eta kultura ondarea esploratzeko aukerak, besteak beste.

Erakusketak

Edizio honetako erakusketen atalak aukera esanguratsuak dakartza, besteak beste: ‘LGTBIQ+Fobia, gorroto delitu eta diskurtsoak’, LGTBIQ+fobiari buruz heztea helburu duen erakusketa, sexu eta genero-aniztasunarekin lotutako gorroto-delitu eta diskurtsoei buruzkoa; ‘Belatxikieta Zazpitxaboleta’, Belatxikietako ermitaren 75. urteurrena ospatzeko helburuarekin, eskualdeko artzainen bizitzari omenaldia egiten dion erakusketa da hau, ermitaren urteurrenarekin bat egiten duena; eta ‘Enrike Renteria’ aire zabaleko pintura-lehiaketako obra sarituen erakusketa, Amorebieta-Etxanoko artearen aberastasuna eta aniztasuna erakusle dena.

Memoria Historikoari buruzko jardunaldiak

Maiatzean, Memoria Historikoaren inguruko jardunaldiak egingo dira Amorebieta-Etxanon, hiru ekitaldi nagusirekin: maiatzaren 14an, Asisko Urmenetak ‘Gora Euskal Herrientsak’ aurkeztuko du Auditorioan, kultur transmisioan aitzindari izan ziren emakumeen papera nabarmenduz; maiatzaren 17an, ‘Ikusezinak’ dokumentala proiektatuko da, eta musika-ekitaldi bat ere izango da Zornotza Aretoaren aurrean; maiatzaren 18an, berriz, Zornoza Kultur Elkarteak Amorebietako eta Etxanoko herriak indar frankisten pean erori zireneko eguna oroituko du, lore-eskaintza batekin, tokiko historiari buruzko hitzaldi batekin eta Alaiak eta Koral Zornozaren emanaldi batekin.

Belatxikietako ermitaren 75. urteurrena

Aipatutako erakusketaz gain, ekaina eta uztaila bitartean bi jardunaldi egingo dira Belatxikietako ermitaren 75. urteurrena ospatzeko. Ekainaren 23an San Joan eguna ospatuko da, Belatxikietako artzainei eskainia. 12:00etan meza egingo da eta postontzi berria bedeinkatuko da; ondoren, 12:30ean, inguruko artzainak omenduko dira. Gainera, uztailaren 31n San Inaxio eguna ospatuko da, 12:00etan, meza batekin.

Udalekuak 2024

Bestalde, apirilaren 9tik 21era zabalik dago haur eta gazte zornotzarrei zuzendutako Udalekuetan eta Gauero Udan ekimenean izena emateko epea. Udalekuak 2020tik 2023ra bitartean jaioetako neska-mutilei daude zuzenduta; lau aste eta bi txanden artean aukeratu ahal izango dute. Bestalde, Gauero Udan 2009 eta 2012 artean jaiotakoei dago zuzendua.

Haizetara 2024

Gainera, ekainean Haizetara jaialdiaren hamazazpigarren edizioa egingo da, Amorebieta-Etxanoko Fanfarreen, Banden eta Kaleko Musikaren Nazioarteko Lehiaketa. Edizio berri hau ekainaren 21, 22 eta 23an egingo da, eta jatorri ezberdinetako taldeek hartuko dute parte, herriko kaleetan, hiru egunez. Nazioarteko 51 bandek eman dute izena lehiaketan parte hartzeko eta horietatik 9 izan dira aukeratuak. Aurten ere, hainbat musika-estilo eta jatorri uztartuko dituzte. Aurten, hiru sari banatuko dira: epaimahaiak bi eta herritarrek aukeratutako bat.

Jarduerak, 3 hilabeteetan zehar

Aipatutakoaz gain, gidak hainbat jarduera biltzen ditu, hala nola, adin guztietarako antzezlanak, xake-lehiaketak, mendi garbiketa-jardunaldi bat, gai ezberdinetako hitzaldiak, ipuin-kontalarien saioak, kontzertuak, dantzak eta tailerrak, besteak beste. Eta baita ere, Ibiliaz ezagutu, Santikurtz Eguna, Bizkargi Eguna, Tilo Fest, Boxeo Gaua eta entretenimendurako beste hainbat aukera ere.  Eta hori guztia, ohikoak diren Ludoteka, Gauero eta Erdu Olgetan ekimenak ahaztu gabe. Jarduera horietako bakoitzak, bere eremuetatik, Amorebieta-Etxanoko herritarren garapen pertsonala, kulturala eta soziala sustatzea du helburu, adin eta gustu guztietako zornotzarrek ikasi, ondo pasa eta elkartzeko espazioak izan ditzaten.

Ayúdanos a crecer en cultura difundiendo esta idea.

Bilatu