DENDAK BAI FEST: EROSKETA, GASTRONOMIA ETA ENTRETENIMENDURAKO ASTEBURUA DURANGOKO LANDAKO GUNEAN
Dendak Bai Fest ekitaldia datorren martxoaren 1, 2 eta 3an ospatuko da Landako Gunean, Dendak Bai, Durangoko eta Iurretako merkataritza, ostalaritza eta zerbitzuak biltzen dituen elkarteak antolatuta. Gustu guztietarako aisialdi-eskaintza.
Dendak Bai Fest-ek helduentzako eta haurrentzako ordutegi zabaleko esperientzia bat eskainiko du. Martxoaren 1etik 3ra, ostiraletik igandera, ekintzak, erosketak eta gastronomia eskaintza zabala gozatu ahal izango da. Ekitaldia ostiralean hasiko da 10:00etatik 14:00etara eta 17:00etatik 21:00etara. Larunbatean, egun osoan zehar egongo da zabalik etenik gabeko ordutegiarekin, 10:00etatik 21:00etara, eta igandean, berriz, 11:00etatik 14:00etara egongo da zabalik.
Erosketak, gastronomia eta entretenimendua toki bakar batean Durangoko eta Iurretako merkataritza, ostalaritza eta zerbitzuak gune berean elkartuko dira, guztira 40 negozio baino gehiago batuz, modu batera edo bestera parte hartzen dutelarik.
Eskaintza komertzialari dagokionez, era guztietako establezimenduek azken denboraldietako produktuak merkeago eskainiko dituzte: haurrentzako eta helduentzako moda, kirol-arropa, oinetakoak, optika, dekorazioa… Eskaintza gastronomikoak gustu guztietarako aukera zabala izango du. Kafe egin berri eta horri laguntzeko gozokiak, tortilla pintxo, gilda eta enpanadillak.
Aurrekoaz gain, hainbat erakusketa-stand egongo dira, eta bertara hurbiltzen direnek Durangoko establezimendu horien produktuak edota zerbitzuak ezagutu ahal izango dituzte.
Aurtengo edizioan, tailer eta hitzaldiak ere izango dira, ostiral arratsaldean hasi eta igande eguerdian amaituko direnak: haurrentzako ingelesezko ipuin-kontaketa, eskulanak, elikadura osasungarria, usaimen dastaketak eta askoz gehiago. Ordutegiei, izen-emateei, edukierari eta prezioari buruzko informazio guztia dendakbai.eus webgunean kontsulta daiteke.
QR KODEA
Sarrera eta 2 orduko aparkalekua doan Dendak Bai Fest-erako sarrera doakoa izango da bertaratzen diren guztientzat. Gainera, erosketak egiten dituztenek bi ordu doan izango dituzte
Landako Guneko aparkalekuan. Gainera, otsailaren 22tik martxoaren 3ra bitartean egiten diren erosketa guztiek, hala atxikitako establezimenduetan nola ekitaldian bertan, zozketa
batean parte hartu ahal izango dute. Horretarako, kartelaren QR kodea eskaneatu eta erosketaren tiketa igo beharko da, parte-hartzaile bakoitzaren datuekin batera.
Ospakizun bateratua Dendak Bai Fest-arekin, merkataritza, ostalaritza eta zerbitzuen partaidetza bateratua sustatu nahi da, erosketa plan bat sustatzeaz gain, egun-pasa egitera gonbidatzen duen esperientzia oso bat eskainiko duen ekitaldi bat sortuz.
Beraz, Dendak Bai elkarteak, aurreko urteetan 18.000 pertsona bildu ziren bezala, aurten ere eskualde osoko eta inguruko jendea erakartzea espero du. Ekitaldi honek Durangoko Udalaren eta Eusko Jaurlaritzako Turismo, Merkataritza eta Kontsumo Sailaren laguntza du.
