Ekintzaileen arteko topaketa arrakastatsua aurten ere Zornotza LHIIn
INFO AMOREBIETA-ETXANO
Amorebieta-Etxanoko udaleko Ekintzaileentzako aholkularitza eta laguntza Zerbitzuak, Zornotzako Lanbide Heziketako Ikastetxe Integratuarekin lankidetzan, ekintzaileei espazio eta ahots bat eman behar zaiela ulertzen da. «Badakigu zer bakardade duen beti kolektibo ekintzaile osoak eta zein zaila den emakume batentzat ekitea; horregatik sortu zen, berdintasunaren esparruan, pertsona bakoitzak bere negozioari buruz hitz egiteko, aurkezteko eta gainerako ekintzaileekin bere esperientzia partekatzeko espazio bat emateko ideia. Egunerokotasunaz ahazteko eta, gainera, elkar ezagutzeko eta sinergiak sortzeko unea partekatu ahal izatea».
Photocalla. ARGAZKIAK: IBAN GORRITI
Helburua argia da: «Ekintzaile guztiak ahaldundu nahi ditugu eta are gehiago, emakumeak. Gainera, sinergietan sinesten dugu eta eskualdeko ekintzaileen arteko lankidetza-sare bat sortzea nahi dugu».
Jardunaldian negozioa ireki, itxi eta irekitzeko prozesuan dauden pertsonek parte hartu dute.
GERO ETA GEHIAGO
Sortzen diren enpresak gero eta gehiago dira eta, oraingoan, hainbat esparrutan sortutako negozioek parte hartu dute: ehungintza, ostalaritza, osasuna, jatetxeak, diseinua eta marketina, banku-agenteak, elikaduraren sektorea, prestakuntza, coaching-a.
Marian Berrocalek ongietorria eman die bertaratutakoei.
Jardunaldia Zornotzako Lanbide Heziketako ikastetxe integratuan izan da, Amorebieta-Etxanoko alkatea eta berdintasuna arloko zinegotzia bertan zirela: Ainhoa Salterain eta Jon Artabe.
EGITARAUA
Egitaraua honako hau izan da:
9:00 Ongi etorria eta ekintzaile bakoitzaren negozioen aurkezpena.
9:30 Emozioak kudeatzeko tailerra: Luz de semillas bizitza hobetzeko tailer bat eta eguneroko oreka topaketaren berri eman digu.
10:00 Bio Danza.
11:00 Hamaiketakoa, sinergiak sortzeko eta guztien artean eta Amorebieta-Etxano udalerriko ordezkariekin solasaldiak izateko.
Aurten ere arrakastatsua izan da. Goiz ederra gogoan eukitzekoa. Eskerrik asko denoi.
