Bittor Altube, Gorka Pagonabarraga eta Aroa Arrizubieta Elorrixoko Gaztetxeko bertso afariaren ‘menua’ izango dira

JON BARAJA

KULTURA ELORRIO

Bittor Altube abadiñarra, Gorka Pagonabarraga durangarra eta Aroa Arrizubieta gasteiztarra izango dira kantatuko duten bertsolariak. 

Aurten ere, Elorrixoko Gaztetxeak bertso afaria antolatu du. Hitzordua abenduaren 23an, larunbata, izango da gaueko 22:00etatik aurrera. Oholtzara hiru bertsolari gazte igoko dira: Bittor Altube (Abadiño, 2001), Gorka Pagonabarraga (Durango, 2000) eta Aroa Arrizubieta (Gasteiz, 2001). Gai-jartzaile lanetan Unai Campo arituko da.

NON EROSI SARRERAK

Sarrerek 12 euroko kostua dute eta ohiko saltokietan erosi ahal dira, hau da, Parra, Portalekua eta Bikale tabernetan eta Gaztetxean bertan.