Urkiola Landa Garapenerako Alkarteak jardunaldiak sustatu ditu Durangaldeko elikadura-komunitatea sendotzeko
TESTUA · URKIOLA LANDA GARAPENERAKO ALKARTEA
Helmugatik jatorrira De la meta al origen
Urkiola Landa Garapenerako Alkarteak jardunaldiak sustatu ditu Durangaldeko elikadura-komunitatea sendotzeko.
Ekoizle eta kontsumitzaileek bat egin dute Elikadura Osasungarriaren eta Durangaldeko Lehen Sektorearen iraupenaren alde.
[2023/11/22]Urkiola Landa Garapenerako Alkarteak atsegin handiz gonbidatzen ditu Durangaldeko biztanleak tokiko elikaduraren arloko topagune, konfiantzazko eta gogoetarako gune izan nahi duten bi jardunalditan parte hartzera.
- jardunaldia: Durangaldeko ekoizpenaren eta kontsumoaren mapa Tokiko elikadura-komunitatearen alde lan egiten duten bertako elkarteen esperientziak.
- Data: Azaroaren 28a
- Ordua: 18:00etatik 19:30era
- Tokia: Durangoko Elkartegia (Landako)
Jardunaldi hauek Neus Monllor eta Saioa Alvarez adituek gidatuko dituzte, eta aldi berean, Femgarabateko artista argiek marrazkiak egingo dituzte zuzenean, ekitaldiari ukitu berezi bat emateko. Durangaldean elikadura osasungarriarekin loturiko ekimenen berri izan nahi duten pertsonen eta errealitate hori egia bihurtzen dutenenen elkargune izan nahi du ekitaldi honek. Tokiko ekoizpen eta kontsumo taldeen esperientzien berri emango da, eta prozesu zoragarri horren ekoizpen arloa aztertuko da.
- jardunaldia: beste leku batzuetatik ikasi, guk zer nahi dugun ikusteko. Zeinek bere lurraldean, elikadura-komunitate baten alde lan egiten duten esperientzia inspiratzaileak.
- Data: Abenduaren 13a
- Ordua: 18:00etatik 19:30era
- Tokia: Plateruena kafe antzokia
Jardunaldi honen helburua Durangaldetik kanpoko esperientzia inspiratzaileetatik ikastea izango da, tokiko elikadura-komunitatea eratzeko bidea osatzen joateko. Tokiko elikadurarekin zerikusia duten proiektu kolektiboetan parte hartzeko moduak aztertu nahi dituzten pertsona guztientzat. Biziola eta CERAI esperientzien berri emango da.
Urkiola Landa Garapenerako Alkarteak jardunaldi hauetan parte hartzera animatzen ditu herritarrak, hala, Durangaldeko lehen sektoreari eta elikadurari buruzko kontakizun baikor, eraikitzaile eta itxaropentsua osatzen laguntzeko.
