Herriko Ad Eternum taldea Udalak eta SUGAAR Musika Elkarteak ekainaren 21ean eta 22an, Traña-Matienan antolatutako KOBA Live Abadiño 2024 metal eta rock jaialdian izango da. Dagoeneko Metalliun, Dark Tranquillity eta Rise To Fall baieztatuta dauden kartelean egongo dira.

Ad Eternum 2015. urtearen amaieran sortu zen, Fullmetal Band tributu taldeko kideen eskutik. Patxa (ahotsa) taldeko kide bilakatu ondoren, taldeak erronka berriak ezarri zituen, izen berria eta kantu propioak zituen proiektu paraleloa. “Guardián entre las sombras” lehen singlea kaleratu eta gero, taldeak 2017ko amaieran bukatu zuen “Dogma” bere lehen diskoaren grabazioa, Chromaticity Studios-en, Pedro J Mongeren eskutik. Albuma 2018ko martxoan aurkeztu zuten Estatu osoko hainbat hiritan.

2022aren amaieran, Demons Records zigiluarekin, “Creando sueños” disko berria argitaratu zuten. Jelussicken telonero izan ziren, eta 2024ko martxoan Europara salto egitea lortuko dute, Frantziako Bidache Metal Fest jaialdian, metal frantsesaren legenda diren Avraisekin batera. Besteak beste, Saratoga eta Reno Rnardo taldeekin jo dute.