Rise To Fall bilbotarrak Koba Live Abadiñoren hurrengo edizioko kartelean egongo dira 

Rise To Fall talde bilbotarra ere arituko da Udalak eta SUGAAR Musika Elkarteak ekainaren 21ean eta 22an Traña-Matienan antolatutako KOBA Live Abadiño 2024 metal eta rock jaialdian. Dagoeneko Metalliun eta Dark Tranquillity baieztatuta dauden kartelean egongo dira. 

Rise To Fall taldearen musikak Death melodikoaren eszena suediarraren eragin handia du. 2006an sortua, 2008an hasi ziren estudioko lehen albuma grabatzen, eta urte berean Bilbao BBK Live jaialdian izan ziren. Taldea hainbat lekutan aritu da, Estatuko zein beste herrialde batzuetako klubetan eta jaialdietan, Rammstein, Slayer, Bullet for My Valentine, Amon Amarth, Scar Symmetry, The Agonist, Dagoba edo Textures bezalako taldeen ondoan.

ASIAN

2011n bira egin zuten Japonian, eta Nagoya, Osaka eta Tokio hirietan aritu ziren, Destrage italiarrekin eta Blood Stain Child japoniarrekin batera. 2012an kaleratu zuten “Defying The Gods” bigarren albuma. Estudioko lau diskoren ondoren, Rise to Fall potentzial handia duen nazioarte izaerako talde gisa finkatu da.