Kine Rallyaren zazpigarren edizioa Amorebieta-Etxanon izango da
Amorebieta-Etxanoko Udalak Kine Rallyaren zazpigarren edizioaren berri eman du. Ekitaldi zinematografikoa udalerri zornotzarrean izango da 2023ko azaroaren 30etik abenduaren 3ra bitartean. Lehiaketaren edizio berri honetan, parte-hartzaileek 48 orduko epean film labur bat sortu, filmatu eta editatzeko erronka izango dute aurrez aurre.
Film laburretan landu beharko den nahitaezko gaiaren berri ematea Zelaieta Zentroan izango da, azaroaren 30ean, osteguna, 19:30ean. Izena eman duten taldeek abenduaren 2ko arratsaldeko 19:00etatik 20:00etara bitartean aurkeztu beharko dituzte beraien film laburrak. Parte hartzea irekia da, bai tokiko taldeentzat eta baita udalerri kanpotik datozenentzat ere; oinarriak hemen kontsulta daitezke.
Izena emateko prozesua
Izena emateko, interesdunek dagokion formularioa bete beharko dute, edo mezu elektroniko bat idatzi kinerally.info@gmail.comhelbidera, azaroaren 27a baino lehen. Eskatutako informazioan taldearen izena, izen-abizenak, kide bakoitzaren adina eta bizilekua, telefono-zenbaki bat eta taldeko arduradunaren posta elektroniko bat agertzen dira.
Amorebieta-Etxanoko Udalak Kine Rallyaren zazpigarren edizioan parte hartzera gonbidatzen ditu herritarrak, zinema eta sormenaren mundua aztertzeko aukera ematen duen ekitaldian.
Sariak
Abenduaren 3an, igandean, Kine Rally 7 jaialdiaren sari banaketa ekitaldia ospatuko da, 12:00etan, Zornotza Aretoan. Ekitaldi irekia izango da eta lehiaketan egindako film labur guztiak ikusi ahal izango dira. Epaimahaia osatzen duten pertsonek ebaluatuko dituzte lanak, eta honako sari hauek emango dira:
- Saria: Film labur onena – 500 euro
- Saria: Euskarazko film labur onena – 250 euro
