Dendak Bai anfitrio bezala Durangoko merkataritza misioan

DENDAK BAI DURANGO

Aurreko ostegunean, Durangoko saltokiek ateak ireki zizkioten Retaileko Euskal Eskolak eta Bilboko Merkataritza Ganberak, Dendak Bai elkartearekin batera, antolatu zuten Bizkaiko misio komertzialari. Misio komertzial horretan 10 saltokik hartu zuten parte, eta Euskadiko hainbat tokitatik etorri ziren Durangoko merkataritza hurbilagotik ezagutzera. 5 denda Bizkaikoak ziren, eta gainerakoak Gipuzkoako eta Arabako hainbat herritatik etorri ziren.

Era guztietako 8 denda bisitatu ziren, elikadura eta modatik hasi eta dekorazio eta interiorismoraino. Bere ahotik kontatu zituzten bere historia pertsonala eta bere saltokian eskaintzen dituzten esperientziak, baita gai teknikoagoak ere, hala nola berrikuntzaren garrantzia, digitalizazioarena, bezeroen fidelizazioarena edo salmenta-puntuaren kudeaketarena, besteak beste.

Ibilbidea goizeko 9etan hasi zen eta 15ak arte luzatu zen, honako negozio hauek bisitatuz:

– CrisLa Sweets – Pastelgintza amerikarra

– SanchoTena – Nitxo eta Autore lurrindegia

– Sylke – Gizonezkoen moda

– Alga Artean + Tantaka Diseinu Faktoria – Algen eta tresnen salmenta

– Olabegojeaskoetxea harategia

– Tyl Spaces – Interiorismoa eta arkitektura

– Dossis Design – Eskuz egindako moda esklusiboa

– Saltsan – Catering eta delicatessen

Dendak Bai-k Durangoko merkataritzaren aniztasuna eta, batez ere, kalitatea azpimarratu zuten denda bisitarien eta antolakuntzaren aldetik jaso zituzten zorionak helarazi nahi ditu. Gainera, horrelako ekimenek Durangok merkataritza mailan duen garrantzia indartzen dute, Bizkaiko eta Euskadi osoko mapan erreferente gisa jarriz.