Uztargi.klik elkarte zornotzarrak Argazki Rallyaren 1. edizioa antolatu du urriaren 29an  

Uztargi.klik Argazki Elkarteak lehen Argazki Rallya antolatu du urriaren 29an, Amorebieta-Etxanoko Udalaren laguntzarekin. Udalak argazkilaritza maite duten herritarrak animatu ditu Rally honetan parte hartzera, Amorebieta-Etxanoko esentzia eta edertasuna ikuspegi artistiko batetik esploratzera eta ateratzera: «argazkiari esker, gure ingurua modu ezberdinean beha dezakegu eta une iragankorrak modu iraunkorrean atzeman ditzakegu».

Elkarteak lau sari izango direla iragarri du:

1- 350 euro
2- 250 euro
3- 200 euro
Tokiko argazki onenaren saria: 150 euro.

Izen ematea egun berean

Parte hartu nahi dutenek ekitaldiaren egunean bertan eman beharko dute izena, Ixerbekoa Kiroldegian, 08:30etatik 09:30etara. Izen-ematearekin batera parte-hartzaileen artean ‘hamaiketakoa’ banatuko du antolakuntzak.

Rallyaren oinarriei eta araudiari buruzko informazio zehatza lortzeko, interesatuek www.uztargiklik.com webgunea kontsultatu dezakete.