Oier Gamiz durangarraren ‘Esfera’ izango da San Faustoko jaiak 2023 iragarriko duen kartela

Dagoeneko herritarrek aukeratu dute San Fausto Jaiak iragarriko duen kartela. Aurtengo egilea Oier Gamiz durangarra da. Berak egindako kartela, 28 proposamen artean aukeratu egin da eta % 47,4 botoen portzentaia lortu du herritarren bozkaketan.

Oier Gamiz.

Herritarrek botoak eman ahal izan dituzte on-line-eko eran Durangoko Udaleko web orriaren bitartez eta, era presentzialean, Intxaurrondo Gazteria eta Kultur Gunean. Herritarren bozkaketa irailaren 4tik 11ra egin da.

Jesica Ruiz jaietako arduradunak azaldu duenez, 28 kartel aurkeztu ziren guztira, eta epaimahaiak horietatik 7 aukeratu zituen. «Guztira 365 boto izan dira eta irabazleak 173 jaso ditu, ia % 30; beraz, argi dago durangarrok erabaki dugula 2023ko San Fausto jaiak iragartzeko kartela Oier Gamiz durangarraren» Esfera «izatea.

Gamiz, 22 urteko durangarra

Bestalde, Asier Perugorria partaidetzako zinegotziak botoa eman duten durangarrei balioa eman nahi izan die eta azaldu duenez “azpimarratu nahi dut gaur aurkeztu dugun kartela durangarrek euren botuekin aukeratu dutela. Aste honetan ere aurrekontu parte-hartzaileen emaitzak ezagutu ditugu eta gaur San Faustoetako kartel lehiaketa”, eta eskerrak eman dizkie Durangoko Udalean bultzatzen diren prozesu irekietan parte hartzeagatik. “Gobernu talde honentzat oso garrantzitsua da parte-hartzea eta legegintzaldi honetan horren aldeko apustua egiten jarraituko dugu».

Kartelaren egilea Oier Gamiz da, 22 urteko durangarra, Ikus-entzunezko ikasketak dituena. Azaldu duenez, iaz kartelak diseinatzen hasi zen, eta iazko Durangoko kartel-lehiaketan bigarren geratu zen. Aurten ere Zaldibarko kartel-lehiaketan bigarren geratu da, eta pozik agertu da Durangon irabazi duelako «niretzat ohore handia da nire kartelak iragartzea nire herriko jaiak». Ziurtatu duenez, jaietako elementu bereizgarri guztiak islatu nahi izan ditu, eta keinu bat egin dio LGTBIQ+ munduari, «jaiak askatasunez eta bakean goza ditzagun».