EGITARAUA OSOA HEMEN · Gaur hasiko dira Izurtzako jaiak gustu guztietarako 22 ekitaldirekin

Jon Baraja

KULTURA IZURTZA

Aurtengo Izurtzako Udaleko jaiak gaur arratsaldean abiatuko dira 19:00etan egongo den triki-poteoarekin eta 20:00etan jaurtiko de txupinazoarekin. Hogei ekitaldi baino gehiago izango dira irailaren 10era arte: Jaizale, Lotxo, GertuFest, Iurretako dantzariak, Xaibor, bakarrizketa bat…

Biharko, larunbata, hilak 2, fideua-lehiaketa, bazkari herrikoia eta bingoa daude programatuta. Igandean, hilak 3, jaiek Santa Ageda egunaren ospakizunarekin izango dute jarraipena. Durangaldeko Jaizale Txistulari Elkarteak hasiera emango dio egunari goizeko hamarretan kalejira batekin eta, ondoren, alardea egongo da Iurretako dantza taldearekin. Bazkari herrikoi baten ondoren, Alazne Etxebarriak Bikote bila zenbat komeri izeneko bakarrizketarekin barre eginaraziko die bertaratutakoei. Lotxo taldeak erromeria eskainiko du arratsaldeko sei eta erdietan.

Errepikapen asteburuan, ostiralean, irailaren 8an, Jaizale Durangaldeko Txistulari Elkarteko musikariek kalejirari ekingo diote berriro eta GertuFest diziplina anitzeko kultur jaialdiaren bigarren edizioa egingo da Santo Tomaseko merenderoan. Irailaren 9an, larunbata, tortilla txapelketa antolatuko da arratsaldean. Horren ostean, afari herrikoiaren eta Xaibor Diskofestaren txanda izango da.

Azkenengo eguna

Izurtzako herritarrek sei jarduerarekin agurtuko dituzte jaiak irailaren 10ean, igandea: kalejira Jaizalerekin, haurrentzako parkea, igel txapelketa, nagusientzako bazkaria, mus txapelketa Argintxun eta partxis lehiaketa plazan.

JAI-EGITARAUA

IRAILAK 1 Ostirala

19:00 Triki-poteo gasolineran hasita

20:00 Txupinazoa

IRAILAK 2 Larunbata

12:30 Fideua txapelketa

14:30 Platerrak aurkeztea

15:00 Herri bazkaria

18:00 Bingoa

IRAILAK 3 Igandea

SANTA AGEDA EGUNE

10:00 Kalejira Jaizale-rekin

12:00 Iurretako dantza taldea

14:30 Herri bazkaria

16:30 Monologoa: “Bikote bila zenbat komeri”, Alazne Etxebarria

18:30 Erromeria: Lotxo taldea

IRAILAK 8 Barikue

10:00 Kalejira Jaizalerekin

16:00 GertuFest Santo Tomas parkean

IRAILAK 9 Zapatue

19:00 Tortilla Txapelketea

20:30 Tortillak aurkeztea

21:30 Herri afaria

22:30 Disko-festa: Xaibor

IRAILAK 10 Domekie

10:00 Kalejira Jaizale-rekin

11:00 Umeen jolasak, plazan

13:30 Igel txapelketa, plazan

14:30 Helduen bazkaria

17:30 Mus txapelketa Argintxun

17:30 Partxis txapelketa plazan