Jaialdia gaur goizean aurkeztu da Abadiñoko udaletxean, Mikel Garaizabal jarduneko alkatea, Argi Abad Kultura eta Gazteria jarduneko zinegotzia eta Sergio Correa Sugaar Musika Elkarteko arduraduna bertan zirela.

Primal Fear taldea Alemaniatik dator, eta arrakasta handia izan du Heavy Metalaren adierazgarri gisa. Bere estiloa Judas Priesten inspiratuta dago, baina Power Metalen eraginak ditu, eta horrek bere musika indartsuagoa eta astunagoa egiten du, baina metal alemanaren berezkoak diren estribillo melodikoagoekin. Ralf Scheepersek (Gamma Ray, Tyran’s Pace) eta Mat Sinnerrek (Shiva, Sinner) sortu zuten taldea 1997an, eta 1998an egin zuten debuta izen bereko diskoarekin, Nuclear Blast zigiluarekin. “Another Hero” singlea estreinatu berri duten lan berriarekin iritsiko dira Abadiñora.

“Udala jaialdi honekin konprometituta dago. Kultura sailaren apustua izan zen, Abadiñoko kultur eskaintza dibertsifikatzeko eta kanpoko jendea erakartzeko helburuarekin, eta aurten Primal Fearren presentziarekin mugarri bat izango dela uste dut. SUGAARek izan zuen ideia, anbizio handiko proiektu honetan inplikatzen jakin zuen, eta aurten baliabide gehiago jarri ditugu arrakasta horrek jarraipena izan dezan”, azpimarratu du Argi Abad jarduneko Kultura eta Gazteria zinegotziak.

El Altar del Holocausto taldeak hamarkada bat darama rock instrumentalaren soinua eta jarrera birdefinitzen, bere estiloari eta mezuari leial izanda, eta horrek musika instrumentalaren Europako talde erreferenteetako bat bihurtu ditu. 2012an Salamancan sortua, kultuzko rock instrumentaleko taldea da. Reaper Modelek, Weasel Joek, Reverb Mylesek eta Skybitek osatzen dute, eta Postrockaren eta Doom instrumentalaren artean mugitzen da. Nazioko jaialdi eta areto onenetan aritu ostean, Abadiñon izango dira hilaren 24an.

Blackhearth, estatuan azken hamarkadan sortu den talde metaliko sendoenetakoa ari da eraikitzen 2010etik. Bere lanik nabarmenena Pedro J. Monge-k ekoiztu eta Sliptrick records-ek argitaratu zuen “Wrath of god” goraipatua da, Alain Concepcion ospetsuarekin uneak partekatzen dituen Ripper Owensen (Judas Priest) mailako kolaborazioekin.

Angelus Apatrida 2000ko martxoan sortu zen, eta aise lortu du ospe handia Thrash metal modernoaren barruan. Nazioartean ospea duen Estatuko talde bakarrenetakoa da, 2006an “Evil Unleashed” debutarekin mundu mailako eszenan sartu ondoren. Angelus Apatridak Century Media Records ospetsuarekin kontratua sinatu zuen 2009an. Ustekabeko lorpena estatuko metal banda batentzat, zalantzarik barik.

Sergio Correa SUGAAR Musika Elkarteko arduradunak bigarren edizio honetako kartelaren kalitatea azpimarratu du, “kartela anbizio handikoa da, estilo askotakoa eta banda guztiek zuzeneko ikaragarria dute. Asmo handiko proiektua dugu esku artean, eta jarraipena eman gura diogu. Jakin bagenekien gure bigarren edizioak apustu indartsua izan behar zuela, hurrengo urteetan ere ildo horri eutsi ahal izateko”.

TOKIKO SOINUA

Sweet Rage, azken belaunaldiko metalez hornitutako emakumezko ahots gozoa duen banda berria da, Abadiñon bertan du oinarria, eta kide batzuk bertakoak dira. Taldea 2021ean sortu zen, desagertutako Muted-eko kideak proiektu berri honi hasiera eman zioten Cris eta Aingerekin elkartu ondoren. Pandemiaren urteen ondoren, ideia asko azaleratzeko gogoz zeuden, eta Sweet Ragek estilo propioarekin gauzatu ditu. Metal jatorriko baseetan pop melodiak eta indarra zehaztasunez nahasten dituen soinua. Taldearen abestiek gainditzeaz, amorruaz, bizitzarekiko maitasunaz eta lehen munduko arazoetan minutu bat ez galtzeaz hitz egiten dute. 2021ean argitaratutako Losing Control lehen singleak talde horren estiloa aurreratzen zuen, baina 2022an erakutsi zuen bere potentzial guztia, hiru abesti gehiago argitaratuz.

Bestalde, Mosh 2013ko maiatzean sortu zen, modu erabat espontaneoan, taldekideek musikarekiko zuten “beharraren” ondorioz. Barkatu Gabe eta Arteria taldeek euren jarduera utzi ondoren, Gorkak eta Iñakik proiektu berri bati ekitea erabaki zuten. Adiskidetasun eta kidetasun musikalagatik, Bruntxorengan eta Jorgerengan (Arairen gitarra eta bateria, hurrenez hurren) errealitate bihurtzeko elementu eta pasio ezin hobeak aurkitu zituzten. Diego, Zaunkeko baxu-jotzailea, da sartu den azkena. Proiektua azkar hasi zen martxan MOSH izenarekin, eta metal-hardcore uhin batean sortu ziren taldearen lehen konposizioak.

IRISGARRITASUNA

Jaialdiaren antolatzaileek oholtza altua jarriko dute bigarren edizio honetan gurpilaulkia erabiltzen duten pertsonentzat, emanaldiak eroso eta kalitatez ahal ditzaten. Gainera, Puntu morea –gune segurua– stand bat egongo da edozein eraso matxista salatzeko. Puntu horretan laguntza eskaintzeko eta dagokion protokoloa abian jartzeko prestatutako langileak egongo dira. Abadiñoko Udalak garraio publikoa erabiltzea gomendatu du KOBA Live jaialdiaren edizio berri horretaz gozatzeko.

“Jende asko itxaroten dugu, eta musika eta giro onaz gozatzera etortzea espero dugu. Gure esku dagoen guztia egingo dugu alde guztietatik ekitaldia arrakastatsua izan dadin”, azpimarratu du Mikel Garaizabal jarduneko alkateak.

Koba Live ordutegiak

16:30 Ateen irekiera

17:30 Blackhearth

18:30 Sweet Rage

19:30 Mosh

21:00 El Altar del Holocausto

22:30 Primal Fear

00:30 Angelus Apatrida

Informazio Gehiago

Sare Sozialak

Facebook

Instagram

Twitter