ZINEGOAK · ZG Hedapenaren filmak proiektatuko dira Berrizen

MUGA KULTURA

Kattalin Minerren ‘Moio: Gordetzea ezinezkoa zen’ liburuaren aurkezpena ere izango da LGTBIfobiaren aurkako Nazioarteko Egunerako programazio berezian.

Kattalin Miner.

Datorren maiatzaren 17an LGTBIfobiaren aurkako Nazioarteko Eguna ospatuko da, eta Berrizko Udalak jardunaldian hartuko duen programazioaren berri eman du. Bertan, eskolako ikasleek “Libre-libre aske bizitzeko” hormairudia egingo dute eta Zinegoak: ZG Hedapena programaren barruko film laburren proiekzioa izango da.

Bilboko LGTBIQ+ 20. Nazioarteko Zinema eta Arte Eszenikoen Jaialdia, Zinegoak 2023, ekainarek 26tik uztailaren 3ra ospatu da, zinemaren eta kulturaren bidez sexu- eta genero-aniztasuna aldarrikatzeko helburuarekin, baina Zinegoak Euskal Herriko hainbat herritan hasi da lanean, ZG Hedapena programaren bidez. Programa horren bidez, sexu-aniztasunarekin lotutako ikus-entzunezko edukiak bultzatu nahi dira herri txikietan ere eta Berriz bertan dago.

Horrela, maiatzaren 17an, 18:30etatik aurrera Berrizko Kultur Etxean Euskal Herriko sei lan ikusi ahal izango dira, hala nola “Perpetua Felicidad”, “Arnasa” y “Son”, besteak beste.

‘Moioa: Gordetzea ezinezkoa zen’ liburuaren aurkezpena

Bestalde, datorren ekainaren 2an ‘Moio: Gordetzea ezinezkoa zen’ liburuaren aurkezpena egingo da Kattalin Miner idazlearekin. 2007ko apirilaren 23an bere buruaz beste egin zuen Aimar Elosegi Ansa, ‘Moio’ Hernaniko gazte transexualak. Bere heriotzak bi gai tabu elkartu zituen: suizioa eta transexualitatea, eta bere laguna zen Katallin Miner idazleak hainbat gogoeta eta galdera planteatzen ditu liburu honetan.