DURANGOKO MARISTAK · Europako lehen zentroa izan gara Healthylifestyle4all kanpainarekin konpromisoa hartzen

Maristak Ikastetxea

· Aurrera egiten jarraitzen dugu, arreta pertsonengan eta bizitza osasungarrian jarriz

Dena aurreko plan estrategikoarekin hasi zen, adingabea babesteko protokoloa jarraitu zitzaion, gero Cycle Friendly Employer CFE programaren urrezko errekonozimendua, Keeping Children Safe ziurtagiria eta 2022a Unicefen zentro erreferentearen aitorpenarekin itxi genuen. Aurten zentroko kultura osasuntsuaren emaitza jasoko dugu. Gasteizko beste eskola batekin batera, Europa osoko lehen zentroa izan gara HealthyLifestyle4All kanpainarekin konpromisoa hartzen.

HealthyLifestyle4All Europako Batzordearen bi urteko kanpaina bat da, bizitza aktiboa eta kirola osasunarekin, elikadurarekin eta beste politika batzuekin lotzea bilatzen duena. Kanpaina honetan parte hartu dugu Europako Batzordearen webgunean eskuragarri dauden konpromiso batzuk adieraziz.

Konpromiso hori borondatezko adierazpena da, bizitza aktiboa eta osasuna sustatzeko. Belaunaldi guztietan bizimodu osasungarriaren kontzientzia areagotu nahi dugu. Konpromiso horrekin batera, Bizikletak Muntatzea, Prestatzea eta Mantentzea-ren Espezializazio programa jarri dugu martxan. Asmo handiagoko proiektu baten barruan dago, eta bizimodu osasungarri global baten aldeko apustua egiten du.

Gorputz-hezkuntza modu osoagoan lantzen dugu gure ikasleekin, hainbat jarduera eginez, hala nola spinning, gap, body pump, zumba, comba, atletismo-pista, igerilekua, bizikleta-irteerak, izotz gaineko patinajea, kayak, genero-estigmetatik ihes egiten duten behin betiko jarduera inklusiboak, eta ikasleen artean ohitura osasungarriak sustatuz.

Erronka

Kultura hori ikasleen erronketan sartzen dugu, hala nola Berrizko BTT martxa, non parte hartu duten Batxilergoko ikasleek kartela egiten, informatikako ikasleek webgunea garatzen, espezializazioko ikasleek martxaren mantentze mekanikoa egiten eta nola ez hezkuntza-komunitatean parte hartzea sustatzen.

Gure ikasleek, ikastetxeko pertsonek eta durangaldeak bizikleta garraiobide iraunkor gisa erabil dezaten sustatzen dugu. Bizikleta erabiltzea sustatuz, BykeFriendly konpromisoari jarraituz.

2023ak eta hurrengo urteek pertsonen zaintzaren eta kultura osasungarriaren olatuan surfean jarraitzeko erronkak eta aukera berriak ekarriko dizkigute, ziur!